Ministerio Hulandes ta admiti cu recompensa internacional tabata mucho halto

Ministerio Hulandes ta admiti cu recompensa internacional tabata mucho halto
  • Knops: Dificil midi consecuencia di sanccion Mericano pa cu Caribe Hulandes

    Knops: Dificil midi consecuencia di sanccion Mericano pa cu Caribe Hulandes

    DEN HAAG – E consecuencianan exacto pa Caribe Hulandes referente e sancionan recien emiti pa Merca contra Petroleos de Venezuela (PDVSA) , ta dificil pa midi. Asina secretario di estado Hulandes Raymond Knops a bisa Tweede Kamer den un carta diabierna. “Mi no kier specula tampoco” e mandatario a bisa. Loke si Knops a confirma den termino general, ta cu PDVSA y e companianan alia na dje, por haya nan mes den situacion mas fastioso ainda debi na e sanccionan impone.  

  • Blok: Hulanda no ta kibra relacion diplomatico cu gobierno di Maduro

    Blok: Hulanda no ta kibra relacion diplomatico cu gobierno di Maduro

    DEN HAAG – Hulanda no ta kibra relacion diplomatico cu gobierno di presidente Nicolas Maduro, no obstante e hecho cu a reconoce Juan Guaidó como e president interino di e pais. Asina e mandatario Hulandes  Stef Blok a declara dialuna mainta den su carta na Tweede Kamer. Segun Blok, ‘Reino Hulandes lo sigui mantene relacionan diplomatico y consulario cu representantenan di Maduro, awor cu e mando efectivo ta den su man’ Blok a sigui bisa.

  • Hulanda a reconoce Juan Guaidó como presidente di Venezuela

    Hulanda a reconoce Juan Guaidó como presidente di Venezuela

    DEN HAAG – Hulanda dialuna formalmente a reconoce Juan Guaidó como presidente interino di Venezuela. Hunto cu otro paisnan Europeo, esaki a sosode, manera Spaña, Alemania, Francia, Austria y Dinamaca. E prome pa a haci e reconocemento tabata Inglatera. Tabata minister Stef Blok cu den un carta pa Tweede Kamer a laga sa cu e gabinete Hulandes a dicidi di reconoce Guaidó, pasobra cu Nicolas Maduro ‘no a cumpli cu e ultimatum’,  e portal Hulandes N.O.S. ta raporta awe mainta. Awe mainta prome minister di Aruba Evelyn Wever ta duna mas informacion durante e conferencia bisemanal di gobierno. Den un declaracion awe mainta ainda sinembargo, Wever tabata referi na e hecho cu Hulanda ‘lo bay reconoce’.

  • Hulanda prepara pa eventual menasa militar Venezolano den direccion islanan ABC

    Hulanda prepara pa eventual menasa militar Venezolano den direccion islanan ABC

    DEN HAAG – Defensa Hulandes ta prepara pa un eventual menasa militar di Venezuela den direccion di Aruba, Corsou y Bonaire. Asina minister di Relacionan exterior Stef Blok a bisa den un debate den Tweede Kamer diamars mainta. Parlamento Hulandes ta hopi preocupa pa e seguridad di ciudadanonan di islanan ABC. Segun Blok, defensa Hulandes ta tene cuenta cu varios scenario.  

  • Reino Hulandes a adapta conseho di biahe pa Venezuela

    Reino Hulandes a adapta conseho di biahe pa Venezuela

    DEN HAAG – Reino Hulandes a adapta su conseho di biahe pa Venezuela diamars. Esaki relaciona cu posibel disturbionan anuncia na e pais bisiña pa diaranson 23 di januari 2019. “Pa 23 di januari 2019 oposicion y gobierno a anuncia demonstracionan nacional” e mensahe ta bisa. “Esaki por conduci na confrontacion y violencia. Pesey evita demonstracionan. E frontera entre Venezuela y Colombia y Brazil ta insigur. Esaki ta debi na protesta, blokeo riba caminda, gruponan arma y netwerk di contrabanda criminal rondo di e region di mina” e mensahe ta sigui bisa. “Tambe tin biaha tin confrontacion cu e ehercito. Pesey ta recomenda pa no biaha pa e parti di frontera cu Colombia y Brazil. Tambe e parti zur di e lago di Maracaibo ta insigur. No biaha eynan. Den henter e pais e ayudo medico ta limita y gasoline ta schars” e conseho ta finalisa bisando.

  • Knops: Geschillenregeling ta keda un topico importante

    Knops: Geschillenregeling ta keda un topico importante

    ORANJESTAD – Mientras cu e no a contesta e pregunta di ‘ki problema gobierno Hulandes tin pa laga un organo independiente regla disputanan entre e paisnand di Reino Hulandes’, secretario di estado Hulandes Raymond Knops a sigura prensa cu e areglo di dispusta (geschillenregeling) ta keda un topico importante.  E mandatario a admiti diahuebs na Aruba, cu e topico aki ta biba mas di 8 aña caba (for di e areglo 101010 di Corsou) y cu esaki a tarda. Knops a recorda cu na formacion di Corsou como un pais autonomo den Reino (manera Aruba), Hulanda a priminti pa tal areglo keda formalisa. Pero 8 aña despues, Hulanda tin problema pa ‘laga los’. Y den su declaracionan por nota e ‘resistencia’ di Hulanda pa cu e tema. 

  • Powered by SETAR