Bartina Koeman, casa di ex entrenador di Hulanda Ronald Koeman, a fayece na edad di 65 aña

AMSTERDAM — Bartina Koeman, esposa di e ex-bondscoach Hulandes y leyenda di futbol Ronald Koeman, a fayese na edad di 65 aña despues di un lucha largo contra cancer di mama. Familia Koeman a anuncia e noticia via Instagram.

Bartina a haya su prome diagnostico di cancer di mama na 2010. Despues di recupera, e enfermedad a bolbe na 2018 y na 2023 a wordo determina cu e cancer tabata cronico. Durante 2025 tambe a constata metastasis, aunke tratamiento inicialmente a duna bon resultado.

Ronald y Bartina Koeman a casa na 1985 y tin tres yiu. Nan yiu menor, Ronald Koeman junior, ta keeper di Telstar y recientemente a bira tata, haciendo Ronald y Bartina wela y welo pa di cuatro biaha.

Den e anuncio di su fayecimento, familia Koeman a expresa nan tristeza profundo y a describi Bartina como un esposa, mama y wela profundamente stima.

Ora Ronald Koeman a stop como bondscoach despues di Mundial 2026, e a destaca e sosten excepcional cu Bartina a dun'e, apesar di su propio proceso di enfermedad.

Bartina Koeman tabata conoci tambe como empresaria y durante añanan tabatin su propio linea di cosmetica y cuido di cuero.