Hulanda kier stop cu dolfijn den cautiverio; prohibicion di cria ta sigui

HARDERWIJK — Gobierno Hulandes kier elimina   e mantenemento di dolfijn den cautiverio gradualmente. Dentro di dos aña ta bini un prohibicion formal di cria, mientras importacion lo wordo limita. Por lo pronto, no tin decision pa cera Dolfinarium.

Secretario di Estado Erkens ta considera cu un piscina no por satisface e necesidad natural di dolfijn pa sambuya profundo y landa distancia largo. Segun e, un prohibicion inmediato no ta deseabel, pasobra e 22 dolfijnnan di Dolfinarium no por sobrevivi den naturaleza.

Dolfinarium ta rechasa e decision y kier dialogo cu Erkens. E parke ta adverti cu separa macho y hembra, of uza anticonceptivo pa largo tempo, por afecta nan comportamiento social y salud.