KLM ta ricibi su prome Airbus A350 na october

SCHIPHOL — KLM ta spera di ricibi su prome Airbus A350-900 na cuminsamento di october. E avion, registra como PH-ZNA y bautisa De Nachtwacht, actualmente ta na e fabrica di Airbus na Toulouse, caminda el a completa tres buelo di prueba.

Entrega originalmente tabata planea pa fin di augustus, pero e la wordo posponi. Consecuentemente, e prome vuelo comercial pa Toronto tambe a cambia di fecha y awor ta programa pa 30 di october.

E prome buelonan lo wordo opera sin Business Class, ya cu e cabina aki ainda ta wardando certificacion. KLM ta spera di ricibi dos A350 mas durante 2026 y tres otro na 2027.

Ademas di Toronto, KLM tin plan pa uza e A350 riba rutanan pa Dar es Salaam, Montreal, Kilimanjaro, Nairobi y Zanzibar.