KLM ta presenta denuncia despues di incendio di powerbank den avion pa Corsou

AMSTERDAM — Compania aereo KLM a presenta denuncia penal contra un pasahero despues cu un powerbank a pega candela abordo di un vuelo pa Corsou dia 17 di september 2026. Segun diferente medio Hulandes, e aparato posiblemente tabata pertenece na ex-director di KLM y ex-politico Camiel Eurlings.

E incidente a obliga e Boeing 777, cu ya tabata varios ora den vuelo, pa bira bek Schiphol. Tripulacion a logra paga e candela abordo.

KLM a confirma cu a presenta denuncia, pero no kier revela identidad di e pasahero ni e delito specifico cu ta forma base di e denuncia. Sinembargo, diferente fuente cu tabata abordo a identifica Eurlings como doño di e powerbank.

Segun KLM, e compania ta investiga incidentenan cu por representa violacion grave di reglanan di seguridad y pone pasahero y tripulacion na peligro.

Ministerio Publico Hulandes a confirma cu a ricibi e denuncia y cu polis di aviacion ta conduciendo un investigacion penal.