Gabinete Hulandes ta sobrevivi crisis, pero tension den coalicion ta continua

DEN HAAG — Gabinete Hulandes di Prome Minister Rob Jetten lo permanece den funcion pa awor, pero e crisis politico entre D66, VVD y CDA ainda no a wordo soluciona. Despues di varios ora di deliberacion entre Jetten y viceprome ministernan Dilan Yesilgöz y Van den Brink, e partidonan no a logra un acuerdo tocante futuro y direccion di gabinete.

E tension a surgi despues cu Parlamento Hulandes a aproba un plan di impuesto cu sosten di D66, CDA y partidonan di robes, apesar di oposicion di VVD.

Segun Jetten, e partidonan mester logra mehoracionnan riba nivel politico, personal y di contenido. El a splica cu e situacion ta complica y cu forza un decision inmediato por a pone continuidad di gabinete na riesgo.

E tres partidonan lo continua negociacionnan durante weekend, mientras diferente escenario pa futuro di coalicion ta keda habri.

Apesar cu VVD a vota contra e plan di belasting, Jetten a declara cu e partido awor lo sostene e propuesta, cu lo sigui su caminda pa Eerste Kamer (Senado). Potret ANP.