Hulanda ta inverti €50.000 den centro di conocemento di Reino

DEN HAAG — Ministerio Hulandes di Asunto Interno y Relacionnan den Reino (BZK) ta pone €50.000 disponibel pa creacion di e    Knowledge Centre for Kingdom Relations nobo, un centro di conocemento enfoca riba relacionnan entre e paisnan den Reino Hulandes.

E contribucion inicial ta destina pa amplia e red di colaboracion entre investigadornan, formuladornan di maneho y otro organisacionnan, specialmente riba e seis islanan Caribense.

Segun Barbera Wolfensberger di BZK, investigacion independiente mester contribui na un mihor comprension di historia, desaroyo social y relacionnan politico y administrativo den Reino.

Lider di proyecto Wouter Veenendaal ta spera cu e contribucion aki lo stimula otro institucionnan pa apoya e centro financieramente, garantisando participacion di tur parti di Reino.