Utrecht y VNG ta ofrece Aruba yudansa pa maneho di sushi

UTRECHT — Alcalde di Utrecht y presidente di Vereniging van Nederlandse Gemeenten (VNG), Sharon Dijksma, a confirma cu ambos organisacion ta dispuesto pa brinda Aruba sosten tecnico pa mehora maneho di sushi. E declaracion a sigui despues di un reunion cu Prome Minister Mike Eman durante su bishita di trabou na Hulanda.

Dijksma ta considera cooperacion entre Aruba y otro islanan Caribense esencial pa desaroya un sistema regional di procesamiento di sushi, cu por ofrece solucionnan mas eficiente y sostenibel.

Ademas di conocemento tecnico, VNG por brinda conseho tocante organisacion, administracion y financiamiento di servicio di maneho di sushi.

Un punto importante pa Dijksma ta evita cu e gastonan di e sistema cay principalmente riba famianan cu menos recurso. Segun e burgemeester, un bon sistema di maneho di sushi mester proteha tanto ambiente como calidad di bida di habitantenan.