Rey ta subraya union den Reino durante discurso: ‘Nos ta un Reino”

DEN HAAG — “Nos ta un Reino.” Cu e palabranan na Papiamento ey, Rey Willem-Alexander a cerra   e parti di Troonrede diamars dedica na Aruba, Curaçao, Sint Maarten y Caribe Hulandes.

E parti Caribense a dura aproximadamente 48 seconde, considerablemente mas cu den e dos Troonrede anterior. E anuncio mas concreto ta cu e cumbre entre e cuater pais den Reino — Hulanda, Aruba, Curaçao y Sint Maarten — lo bira un encuentro anual.

E prome cumbre den e formato aki lo tuma luga na final di aña aki y lo concentra riba progreso y posibilidad pa mas cooperacion den area manera economia, seguridad di existencia, clima y procesamiento di sushi.

Sint Eustatius tambe a haya mencion apart, relaciona cu e hecho cu na november ta cumpli 250 aña desde e famoso saluutschot cu a marca e prome reconocimiento internacional di Estados Unidos.

No tabatin ningun promesa financiero concreto ni proyecto specifico pa e islanan den Troonrede. E enfasis tabata principalmente riba cooperacion y e conexion politico y historico dentro di Reino.

Significativo ta cu e parti Caribense a forma e ultimo tema di contenido di Troonrede, prome cu e palabranan final di Rey tocante democracia y cooperacion.

Rey a cera e pasashi cu e palabranan na Papiamento: “Nos ta un Reino”, sigui pa e traduccion Hulandes: “Wij zijn één Koninkrijk.” Lesa e troonrede completo AKI.