Piloto y tres miembro di cabina positivo pa alcohol durante control na Schiphol

AMSTERDAM — Durante un control di alcohol entre personal di aviacion na Schiphol, cuater miembro di tripulacion a resulta positivo. Marechaussee Real Hulandes y polis a controla 707 miembro di personal di cabina y cockpit durante tres ora.

Un piloto tabatin alcohol den su sanger, pero bou di e limite legal di 0,2 promille. Sinembargo, como personal di aviacion no mag bebe alcohol den e 10 ora prome cu un vuelo y e limite operacional ta cero, e piloto a ricibi un prohibicion pa bula durante un ora.

Tres miembro di cabina tabatin un nivel di alcohol ariba e limite legal. Un steward cu 0,55 promille a acepta un multa di 850 euro, mientras un stewardess cu 0,58 promille a acepta un multa di 1.000 euro. Un otro steward, cu 0,28 promille, a pidi un contra-investigacion y su caso ainda no tin un decision final.

No a revela pa cua aerolinea e miembronan di tripulacion ta traha.