Hulanda no ta investiga desaparicion di piscadornan di yate Energy

ORANJESTAD — Onderzoeksraad voor Veiligheid (OVV) di Hulanda a dicidi di no habri un investigacion tocante desaparicion di boto di pesca Energy, cu cuater piscado a bordo, ni otro casonan di piscadornan desapareci den laman di Aruba.

Segun OVV, falta di informacion confiabel y e tempo cu a pasa ta haci imposibel determina exactamente kico a sosode. Dos investigador a bishita Aruba na april 2026, pero a conclui cu no tin suficiente evidencia pa un investigacion completo.

E decision ta laga famianan di e piscadornan sin contesta tocante suerte di nan sernan stima.

Sinembargo, OVV ta dispuesto pa coopera cu Aruba pa mehora seguridad na laman, incluyendo proceduranan di rescate, uso di señal di emergencia y recopilacion di evidencia den futuro incidentenan.