Pasahero di Delta ta denuncia discriminacion durante vuelo pa Aruba

ORANJESTAD — Un pasahero di Delta Air Lines, Craig Stewart, ta acusa un tripulante di a trata cu ne di manera discriminatorio durante un vuelo pa Aruba, despues cu e a coy cuater paki di pistacho y a purba coy un paki di mangel gratis.

Segun Stewart, e tripulante a bisa cu e mester considera otro pasaheronan cu tambe kier algo di come. Stewart ta sostene cu e tono y manera di papia cu ne tabata irrespetuoso y posiblemente motiva pa discriminacion racial.

E incidente a bira viral riba rednan social. Delta a pidi disculpa, ofrece Stewart un voucher di $100 pa un futuro vuelo y a compromete su mes pa investiga e keho internamente. Mientrastanto, varios tripulante ta defende e actuacion di nan colega, argumentando cu cantidad di snack abordo ta limita y mester tin suficiente pa tur pasahero.