Corte Hulanda: SVB mester trata reclamo laat di Aruba toch

ORANJESTAD — Corte di Amsterdam a determina cu Sociale Verzekeringsbank (SVB) mester trata contenido di un reclamo presenta pa un homber di Aruba, aunke e reclamo a wordo manda demasiado laat.

E caso ta relaciona cu algun decision di SVB tocante su pensioen AOW. Normalmente un reclamo manda despues di e termino legal por wordo declara inadmisibel. Sinembargo, Corte a conclui cu den e caso aki tabatin circunstancianan special cu ta hustifica un excepcion.

Pa yega na e decision, Corte a aplica criterianan desaroya den hurisprudencia despues di e escandalo di toeslagen na Hulanda, cu ta duna mas espacio pa tene cuenta cu circunstancianan personal ora un ciudadano no cumpli exactamente cu un termino administrativo.

Como resultado, SVB no por limita su decision na e echo cu e reclamo a yega laat, sino mester evalua e contenido di e objecionnan di e residente di Aruba.