Probleman cu sistema EES ta causa retraso y wardamento largo na Schiphol

AMSTERDAM — Introduccion completo di e sistema Europeo Entry/Exit System (EES) a wordo posponi atrobe pa nuebe pais Schengen, incluyendo Hulanda. Probleman tecnico y tempo largo di espera na control di frontera ta principal motibonan pa e retraso.

E deadline anterior tabata 6 di september 2026, pero paisnan manera Hulanda, Francia, Alemania, Italia, Belgica, Grecia, Malta, Portugal y Suisa a haya mas espacio pa implementa e control biometrico gradualmente.

EES ta destina pa digitalisa control di frontera pa biaheronan cu paspoort no-EU cu ta bishita Schengen pa estadia cortico. E sistema ta registra entre otro dato biometrico, pero segun Koninklijke Marechaussee implementacion ta bay mas slow pa motibo di desafio tecnico, problema den sistema ICT y fallo dentro di EES.

Schiphol ta confirma cu e efecto caba ta visible. Durante horanan di pico, biaheronan cu paspoort no-EU ta enfrenta tempo di espera mas largo cu deseabel na control di frontera.

E aeropuerto ta considera positivo cu tin mas espacio pa introduci EES paso pa paso durante e lunanan binidero. Schiphol ta bisa cu e kier evita cu problema cu e sistema bira e prome impresion cu bishitantenan haya di Hulanda.