ORANJESTAD – ‘Te cu awor tin indicacion serio cu e maneho di (ex director Robert) Henriquez tabatin efectonan hopi negativo pa NV Elmar y tabata principal causante di e problemanan laboral den Elmar’. Asina Hunta di Comisario di e compania di utilidad a bisa den un comunicado. Mientras cu a yega na un acuerdo cu e ex director di  , e hunta di comisario, a sigura cu e investigacion ta sigui. E investigacion cu a cuminsa riba Henriquez su forma di traha, debi cu tabatin ‘varios keho riba su persona y/of maneho, como tambe pa motibo di inquietud laboral cu tabatin’, y ta enfatisa cu esaki tabata pa añas caba. 

ORANJESTAD – Ex director di Elmar Robert Henriquez a wordo paga a base di un ‘acuerdo balansa’, cual den opinion di Hunta di Comisario di NV Elmar, tabata den interes di tanto e compania como su empleadonan. Asina e Hunta a reacciona den un comunicado e siman aki, contraarestando noticia cu lo Henriquez a haya un ‘golden handshake’. Informacion cu NoticiaCla a haya, ta indica cu no ta trata aki di un golden handshake pero un acuerdo cu tur partido por a biba cune. 

ORANJESTAD - Como parti di e iniciativanan pa contribui na comunidad, Arcos Dorados, operador di McDonald’s den Latino America y Caribe, lo stop di ofrece straw di plastic den mas di su 2.100 restaurant den henter e region entrante dia 31 di October 2018. Lo duna solamente si e cliente pidi esaki hunto cu su cosnan di bebe. Cu e iniciativa nobo aki, aproba specificamente pa Latino America, Colombia y Uruguay, Arcos Dorados ta pretende di evita consumo di casi 300 ton di material di plastic. Ta tuma como base resultado di e proyecto piloto na Colombia, den cual 6 di cada 10 cliente ta prefera di bebe algo sin straw.

ORANJESTAD - Recientemente Cuerpo Policial Aruba a haci un anuncio oficial cu lo habri inscripcion pa klas nobo di polis. E klas nobo ta riba nivel di MBO niveau 4. E klas nobo lo habri na augustus 2019. Inscripcion a wordo alarga te cu dia 2 november 2018. Nos ta duna e oportunidad na tur nos hobenan di edad di 17 pa 34 aña pa aplica. Bo por haci entrega di bo formulario na Scol di Polis. For di 08:00 mainta pa 01:00 merdia na Fortheuvelstraat 25 na San Nicolas. NO ta posibel pa entrega e formulario na warda di polis.

ORANJESTAD - Awe diahuebs durante dia motorunit a logra kita dos brommer for di caminda publico. Durante control a ripara cu nan no ta tin nan papelnan na ordo  y  e brommernan a wordo  transporta cu takelwagen.  Mirando e problematica den Tarabana y vecindario ta purba di kita tur brommernan cu no tin nan papelnan na ordo pa asina sistematicamente purba alivia e situacion pa e habitantenan di Dakota y vecindario. E controlnan aki lo sigui door di e motor unit  di polis

ORANJESTAD – Hopi parti di Aruba dialuna merdia a haya nan mes den problema cu e yobida fuerte di awacero merdia. Minister di infastructura Otmar Oduber a informa NoticiaCla cu hunto cu full e Team di Dow, apoya pa Bur City Inspector a pasa henter merdia/atardi tur rond Aruba. A mustra cu varios caminda enberdad tabatin problema. “ DOW a actia rapido na varios sitio, previniendo pa posibel awa awe nochi” Oduber a sigura e portal aki. Mes momento el a topa tambe cu e gerencia di Mota Engil, responsabel pa e parti di construccion di Watty Vos Boulevard, unda cu el a admiti cu e no tabata nada contento cu nan. Mes momento el a probecha pa duna nan un zundra. “Mota Engil a haña un clear piece of my mind” Oduber a bisa e portal aki. Manera NoticiaCla a raporta caba, ta spera mas yobida den atardi/anochi/marduga y entre 3 pa 7 mm di awacero extra. Loke ta haci e situacion fastioso, ta e hecho cu hopi lugar ta satura caba, y esaki por crea problema adicional. Te na e momentonan aki, ainda e caminda entre rotonde di FCCA y Cumana ta cera ainda.