Gerbert Kunst ta laga puesto di Representante di Hulanda prome cu tempo

ORANJESTAD — Gerbert Kunst lo termina su funcion como Representante di Hulanda na Aruba, Corsou y Sint Maarten entrante 1 di maart 2027, mas trempan cu plania, pa motibo di circunstancianan priva.

Kunst, cu a asumi e puesto dia 15 di mei 2025, a solicita personalmente pa termina su encargo. Durante su periodo, el a enfoca riba fortalecemento di cooperacion entre e cuater paisnan di Reino Hulandes, particularmente den desaroyo economico, sector social, seguridad alimentario, sostenibilidad y preparacion pa crisis.

Den su despedida, Kunst a destaca importancia di igualdad y cooperacion entre e paisnan di Reino, expresando su gratitud pa e relacionnan cu el a construi na Aruba, Corsou y Sint Maarten.

Directora general di Relacionnan den Reino, Barbera Wolfsenberger, a lamenta su salida anticipa y a elogia su compromiso y contribucion na fortalecemento di relacionnan den Reino.

Entrante 1 di maart 2027, Marieke van der Linden lo asumi e funcion como Representante suplente.

Kunst lo regresa Hulanda pa asumi dos funcion directivo den Ministerio di Asuntonan Interno y Relacionnan den Reino (BZK), incluyendo direccion di KIEM y Cluster Bestuursondersteuning.