Declaracion di inkomstenbelasting 2025 disponibel online entrante 16 di november

ORANJESTAD — Departamento di Impuesto (DIMP) a anuncia cu entrante dialuna 16 di november 2026, e formulario di declaracion di inkomstenbelasting 2025 lo ta disponibel digitalmente via portal BO Impuesto (BOi). Contribuyentenan lo no ricibi e conocido envelop oraño na cas mas.

Cu e cambio aki, tur formularionan di impuesto ta bira completamente digital. DIMP ta enfatisa cu tur contribuyente mester tin un cuenta activo di BOi, incluyendo personanan cu ta paga inkomstenbelasting, grondbelasting, impuesto di vehiculo of otro tipo di impuesto.

Pa facilita e transicion, DIMP a organisa sesionnan di asistencia na diferente MFA, logrando yuda alrededor di 1.200 persona durante october.

Ainda tin cuatro sesion di asistencia programa pa 11 y 24 di november, 25 di november y 3 di december, na San Nicolas, Santa Cruz y Paradera.

Pa habri un cuenta, contribuyente mester presenta un cedula of rijbewijs valido, number personal (persoonsnummer) y un adres di email personal.

DIMP ta recomenda contribuyentenan cu ainda no tin cuenta BOi pa haci uzo di e sesionnan di asistencia y prepara nan mes pa e sistema digital. CP 10-11-26 Entrante 16 di november e declaracion IB 2025 lo ta disponibel via e Portal ‘BO Impuesto’ (BOi).pdf