Directie Infrastructuur en Planning ta habri inscripcion pa 231 kavel di Carnaval 2027

ORANJESTAD — Directie Infrastructuur en Planning (DIP) a anuncia cu solicitudnan pa kavel di Carnaval 2027 por wordo entrega desde diaranson 11 te cu diabierna 13 di november 2026. E sorteo oficial lo tuma lugar dialuna 16 di november.

Pa Carnaval 2027, DIP ta pone un total di 231 kavel disponibel pa publico, incluyendo espacio adicional na Linear Park. E kavelnan na e area aki lo tin un tamaño mas chikito.

Interesadonan mester download e formulario via www.dip.aw, yen'e completamente y agrega un stampia di Afl. 4, disponibel na postkantoor. E solicitud mester wordo deposita den e buzon na oficina di DIP na Sabana Blanco 68.

Solicitudnan incompleto of sin stampia lo wordo declara invalido.

E maneho di 2026 ta keda vigente, incluyendo publicacion solamente di nomber y fam di ganadornan pa proteha nan privacidad. E lista oficial lo ta disponibel na oficina di DIP despues cu notario entreg'e.

DIP ta recorda cu trailers por wordo poni un siman prome cu Carnaval y mester wordo kita dentro di un siman despues. Ganadornan mester cumpli cu condicionnan di nan permiso.