BCA ta fiha limite nobo pa costo di credito di consumidor

ORANJESTAD – Banco Central di Aruba (BCA) ta recorda e consumidor cu desde 1 di augustus 2026 tin limite legal nobo pa cierto costonan relaciona cu credito di consumidor, bao di articulo 5 di Landsverordening regeling consumentenkrediet.

E reglanan ta aplica na credito nobo, y tambe na credito existente cu wordo refinancia, restructura of prolonga despues di 1 di augustus 2026.

Segun e regulacion, interes y otro costonan relaciona cu e prestamo no por pasa 25% pa aña. Si un consumidor cay atras cu pago, e costo di tardansa no por pasa 2% pa luna, calcula riba e suma cu ta falta pa paga.

Ora un consumidor kier paga su prestamo completamente of parcialmente prome cu tempo, e costo maximo pa pago adelanta ta 7.5% di e suma cu wordo paga adelanta.

Pa gastonan di incasso extrahudicial, no por cobra mas cu e montante permiti segun e tarifa di likidacion aplica pa Corte Comun di Husticia. E costonan aki por inclui recordatorio, notificacion y gasto administrativo.

BCA ta conseha consumidor pa tene cuenta cu e limitennan aki ora nan ta cera un credito.

Banco Central lo supervisa cumplimento di e ley ora Landsverordening regeling consumentenkrediet drenta completamente na vigor, algo cu ta premira pa 1 di januari 2027.