JOIA Aruba ta logra certificacion vegan-friendly pa su team culinario

EAGLE BEACH – E team di Food & Beverage y Culinary di JOIA Aruba by Iberostar a completa cu exito un entrenamiento specialisa y a logra certificacion vegan-friendly, otorga pa Vegan Aruba.

E certificacion ta forma parti di e compromiso di Iberostar cu capacitacion continuo, sostenibilidad y un modelo di turismo mas responsabel. Segun e compania, su menunan di hotel ta aspira pa ofrece por lo menos 30% opcion vegan-friendly, pa brinda huespednan mas variedad di cuminda plant-based di calidad.

E entrenamiento a inclui conocimiento di ingredientenan, productonan animal uza den procesamento di bebida, tecnica di preparacion, plant-based y mihor practicanan pa atende preferencianan alimenticio vegan.

Un parti importante di e capacitacion tabata enfoca riba adapta platonan existente, en bes di solamente introduci platonan nobo. Asina, e team culinario por aumenta e cantidad di opcion vegan sin sacrifica sabor, presentacion ni calidad.

E iniciativa ta conecta cu “Wave of Change” di Iberostar, cu ta busca reduci impacto climatico, proteha naturaleza y amplia opcionnan plant-based pa huespednan.

Chef Ludwich a bisa cu e certificacion ta refleha e entusiasmo di e team pa sigui siña, nan compromiso cu excelencia y nan capacidad pa transforma conocimiento nobo den mehoranan concreto pa huespednan.