Aruba entre 13 destino conecta cu Medellin durante Feria de las Flores

ORANJESTAD – Aruba tabata uno di ocho destino internacional conecta directamente cu Medellin door di Wingo durante Feria de las Flores 2026, un di e eventonan cultural y turistico mas importante di Colombia.

Entre 1 y 9 di augustus, Wingo a opera 236 vuelo di y pa Medellin via un red di 13 ruta nacional y internacional. Aruba tabata inclui hunto cu Corsou, Ciudad de Guatemala, Montego Bay, Punta Cana, Santo Domingo, San José di Costa Rica y Ciudad de Panama.

Den Colombia, Medellin tabata conecta cu Bogota, Cartagena, Santa Marta, Barranquilla y Bucaramanga.

E operacion special durante Feria de las Flores ta pone Aruba nuevamente den e red regional di Wingo cu Medellin durante un periodo di demanda turistico fuerte, ampliando opcion di conexion entre e isla y Colombia.

Wingo tambe a organisa diferente actividad cultural relaciona cu Feria de las Flores durante e periodo, tanto abordo di algun vuelo como den diferente parti di Medellin