Recordatorio pa Arubianonan den zonanan afecta na Colombia pa registra

ORANJESTAD – Residentenan di Aruba cu tin nacionalidad Hulandes y cu ainda ta den zonanan afecta door di e fuerte temblor na Colombia ta wordo recorda pa registra nan mes cu e servicio di informacion di Ministerio Hulandes di Asuntonan Exterior.

E peticion a wordo haci ayera despues di e temblor cu a registra dialuna 10 di augustus 2026 na Choco, den parti west di Colombia, y cu tambe a causa impacto serio na ciudadnan manera Manizales, Pereira y Cali.

Departamento di Relacionnan Exterior Aruba ta enfatisa cu registracion ta importante pa autoridadnan por localisa y brinda asistencia na ciudadanonan Hulandes den caso di necesidad.

Esnan cu ainda no a registra por haci esaki via informatieservice.nederlandwereldwijd.nl. Pa asistencia por comunica tambe cu Ministerio di Asuntonan Exterior via telefon na +31 247 247 247 of WhatsApp na +31 857 737 400.

Residentenan di Aruba cu ta na Colombia ta wordo recomenda pa keda alerta, sigui informacion oficial y cumpli cu e consehonan di biahe y instruccionnan di autoridadnan local.