Aruba y Paraguay ta busca fortalece turismo y comercio

LIMA – Prome Minister Mike Eman a reuni cu presidente di Paraguay, Santiago Peña, durante su bishita oficial na Peru, unda e dos lidernan a papia tocante fortalece e relacion bilateral entre Aruba y Paraguay.

Den e reunion, e enfoke principal tabata riba mehora conectividad aereo, amplia turismo y crea mas oportunidad comercial. Paraguay ta mira Aruba como un posible entrada pa exporta producto, incluyendo carni y alimento, pa Caribe, mientras Aruba ta mira potencial pa atrae mas bishitantenan Paraguayo.

Presidente Peña tambe a invita Aruba pa explora un acercamento cu MERCOSUR, e blok economico di Sur America, cu por habri oportunidad nobo den comercio y inversion. E dos paisnan tambe a destaca e reciente reconocemento di Aruba como Reserva di Biosfera di UNESCO como un punto adicional pa fortalece cooperacion y desaroyo sostenibel.