Apple ta recomenda actualisa iPhone pa update importante

LOS ANGELES - Apple a lansa iOS 26.6 pa iPhone y ta aconseha tur usuario pa instala e update mas lihé cu ta posible. Aunke e cambio nan no ta visibel mesora, e update ta prepara e aparato pa iOS 27, cu lo introduci un version nobo di Siri cu inteligencia artificial.

Ora iOS 26.6 ta instala, e iPhone ta cuminsa organiza tur e informacion den e aparato pa Siri AI por responde mihor y mas lihe ora iOS 27 yega. Apple tambe a corigi 75 vulnerabilidad di seguridad riba iPhone y mas cu 150 riba Mac, reduciendo e riesgo di atake di hacker.

Ademas, e update ta informa usuario ora nan a yega e limite di numbernan blokea cu e iPhone por warda. Apple a indica cu companianan di AI, manera Anthropic y OpenAI, a yuda identifica y corrigi algun di e problema di seguridad.