Rafaela di Corsou ta dal prome grand slam y guia Red Sox na 10 victoria consecutivo

SACRAMENTO – Hoben beisbolista Yiu di Corsou, Ceddanne Rafaela, a pega e prome grand slam den su carera y a guia Boston Red Sox na un victoria di 4-2 riba Athletics. Cu e triunfo, Boston a logra su di 10 victoria consecutivo como bishitante.

Rafaela a cambia e partido den di seis inning ora cu tres compañero tabata riba base, mandando e bala pafor di parke pa pone Red Sox dilanti 4-1. Despues di e wega, e la bisa cu semper e kier bati den momentonan importante.

Boston awor tin record di 55 victoria y 50 derrota, despues di un gran recuperacion den e temporada. Rafaela, naci na Willemstad, a firma cu Red Sox na 2017, a debuta den MLB na 2023 y a gana un Gold Glove na 2025 como e miho centerfielder defensivo di Liga Americano.