Cooperacion internacional ta bira mas importante den combate contra criminalidad financiero

ORANJESTAD – Criminalidad financiero no ta para na frontera. Esey ta un di e motibonan principal cu FIU Aruba ta sigui amplia su cooperacion cu organisacionnan internacional. Den su Annual Report 2025, FIU ta bisa cu intercambio lihe di informacion cu partnernan internacional ta esencial pa sigui traha contra labamento di placa, fraude transnacional y financiamento di terrorismo. Como miembro di diferente red internacional, FIU Aruba ta comparti inteligencia financiero cu otro paisnan den caso cu tin indicacion cu criminalidad ta cruza frontera. Segun FIU, e colaboracion aki ta fortalece posicion internacional di Aruba y yuda proteha integridad di su sistema financiero.