Criminalnan ta uza mas empresa legitimo pa scconde actividadnan ilegal

ORANJESTAD – Criminalidad financiero ta bira cada biaha mas sofistica. Segun e Annual Report 2025 di FIU Aruba, organisacionnan criminal ta usa empresa cu ta parse completamente legal pa scconde labamento di placa, fraude y otro actividadnan ilegal. E informe ta bisa cu empresanan por wordo crea of usa pa move placa, cambia propietario real of crea transaccionnan cu ta parse normal, mientras cu den realidad nan ta sirbi pa escondi actividad criminal.

FIU ta bisa cu e desarroyo aki ta pone enfasis riba e necesidad pa empresanan, banconan y otro entidadnan cu tin obligacion di raporta transaccionnan sospechoso, haci investigacionnan mas profundo tocante e propietario real (beneficial owner) di companianan.

Segun FIU, colaboracion entre sector publico y privado ta esencial pa detecta e tipo di estructura complejo aki prome cu nan causa daño na economia.