- Front Page
- Politica
- Local
- Internacional
- Deporte
- Analisis
- Investiga
- Live
- LenguahePapiamento
- Estreno di documental di Netflix a trece caso Natalee Holloway bek den prensa mericano
- Minister Dowers ta instala comision pa atende problema di cachonan riba caya na Aruba
- Ley nobo ta propone Afl. 500 mensual pa mucha cu necesidad intensivo di cuido
- Horacio Oduber Hospital ta ricibi 15 miyon di AZV, pero ta adverti pa posible crisis financiero na december
- Aruba y cinco otro isla ta reuni pa fortalece integridad den institucionnan publico
- Estreno di documental di Netflix a trece caso Natalee Holloway bek den prensa mericano
- Minister Dowers ta instala comision pa atende problema di cachonan riba caya na Aruba
- Ley nobo ta propone Afl. 500 mensual pa mucha cu necesidad intensivo di cuido
- Horacio Oduber Hospital ta ricibi 15 miyon di AZV, pero ta adverti pa posible crisis financiero na december
- Aruba y cinco otro isla ta reuni pa fortalece integridad den institucionnan publico
Documental “Affiba” ta conta historia di muhe naci den sclavitud y cu a biba mas cu 100 aña
ORANJESTAD — E documental Affiba, de oudste vrouw van Paramaribo, di cineasta Ida Does, lo wordo presenta na Aruba diasabra 7 y diadomingo 8 november 2026, na Principal Theater na San Nicolas. E produccion ta conta historia di un muhe cu a nace den sclavitud, a bira mama di 11 yiu y a biba mas cu un siglo.
Durante un conferencia di prensa na Biblioteca Nacional Aruba, Fundacion Museo Arubano (FMA), Biblioteca Nacional Aruba (BNA) y Departamento di Cultura Aruba (DCA) a presenta e documental, cu ta enfoca riba historia, identidad, sclavitud y emancipacion.
E pelicula a nace for di investigacion di Joan Windzak tocante un fotografia di Affiba saca na Paramaribo na 1896. Mediante documentonan historico y testimonio di descendientenan, Ida Does ta reconstrui e bida di e muhe y ta duna bos na historianan cu durante hopi tempo a keda silencia.
E proyeccion ta forma parti di e proyecto E Testigo Silencioso, cu ta inclui restauracion di toren di Fort Zoutman, educacion tocante pasado di sclavitud y actividadnan pa conscientisa comunidad.
Gestor cultural Mirtho Lacle a destaca cu historia di Affiba ta simbolisa resistencia, dignidad y e importancia di preserva e bosnan di nos ancestronan.
E proyeccion di diabierna 6 november ta exclusivamente pa invitadonan. Publico general por asisti diasabra 7 y diadomingo 8 november na Principal Theater, San Nicolas. Entrada ta Afl. 5 pa persona.