- Front Page
- Politica
- Local
- Internacional
- Deporte
- Analisis
- Investiga
- Live
- LenguahePapiamento
- Estreno di documental di Netflix a trece caso Natalee Holloway bek den prensa mericano
- Minister Dowers ta instala comision pa atende problema di cachonan riba caya na Aruba
- Ley nobo ta propone Afl. 500 mensual pa mucha cu necesidad intensivo di cuido
- Horacio Oduber Hospital ta ricibi 15 miyon di AZV, pero ta adverti pa posible crisis financiero na december
- Aruba y cinco otro isla ta reuni pa fortalece integridad den institucionnan publico
- Estreno di documental di Netflix a trece caso Natalee Holloway bek den prensa mericano
- Minister Dowers ta instala comision pa atende problema di cachonan riba caya na Aruba
- Ley nobo ta propone Afl. 500 mensual pa mucha cu necesidad intensivo di cuido
- Horacio Oduber Hospital ta ricibi 15 miyon di AZV, pero ta adverti pa posible crisis financiero na december
- Aruba y cinco otro isla ta reuni pa fortalece integridad den institucionnan publico
Estreno di documental di Netflix a trece caso Natalee Holloway bek den prensa mericano
ORANJESTAD — E estreno di e documental Taken: Natalee Holloway riba Netflix, diaranson 4 november, a provoca un ola nobo di atencion periodistico pa e desaparicion di e hoben Americano na Aruba den 2005.
HOPI ATENCION DEN PRENSA MERICANO ATROBE
Un inventario preliminar haci pa Noticiacla a identifica por lo menos 15 articulo diferente publica entre diaranson 4 y diahuebs 5 november, den 10 medio di comunicacion Americano, incluyendo People, Entertainment Weekly, Biography, Page Six, E! News, Cosmopolitan, Oxygen y TV Insider, mayoria di nan, publicacionan grandi cu ta hala publico grandi. No por a registra e efecto pa e isla mes, y principalmente su turismo.
CONTENIDO DI E ARTICULONAN
E articulonan ta trata diferente aspecto di e caso: e investigacion original na Aruba, e lucha di Beth Holloway pa haya contesta, e confesion di Joran van der Sloot na 2023 y su situacion actual den prizon na Peru.
CRITICA CONTRA ARUBA
Algun publicacion tambe ta bolbe pone atencion riba critica cu autoridadnan Arubiano a ricibi durante e investigacion. Otro ta destaca cu habitantenan di Aruba tabata sinti nan mes ofendi door di e impresion cu prensa Americano a crea na e tempo cu e isla no tabata haci suficiente pa localisa Natalee. E cantidad identifica ta representa solamente e articulonan verifica den un buskeda preliminar, no e totalidad di cobertura internacional ni e cantidad di lector of mirado cu e noticia a alcanza.
Pa Aruba, e renobacion di cobertura ta demonstra cu, mas di 21 aña despues di e desaparicion, e caso Natalee Holloway ainda tin capacidad di domina atencion di prensa internacional y bolbe pone nomber di Aruba den e relato. No ta conoci si e publicidad actual por y lo afecta e pilar principal economico di nos isla, esta nos turismo.