Polis ta saca aparatonan pa supla pa test di alcohol for di uso pa investigacion

ORANJESTAD — Ministerio Publico y Cuerpo Policial Aruba a inicia un investigacion tocante e funcionamento di varios aparato di analisis di rosea, conoci como aparato di supla, cu ta wordo usa durante controlnan di alcohol den trafico.

E investigacion a cuminsa despues cu un control interno a revela posible irregularidad den e manera cu e aparatonan ta calcula e resultadonan y si nan ta cumpli cu exigencianan legal.

Como medida preventivo, e aparatonan involvi a ser saca temporalmente for di uso. Expertonan externo ta participa den e investigacion pa determina e naturalesa y alcance di e problema, incluyendo posible consecuencianan pa casonan penal.

Ministerio Publico ta enfatisa cu ainda no por saca conclusion tocante validez di resultadonan anterior ni consecuencia pa casonan individual.

Entretanto, control di alcohol den trafico lo continua mediante otro metodonan di investigacion disponibel na Polis. Maneha bao influencia di alcohol ta sigui siendo castigabel.