Gobierno ta planea pa electrifica 50% di su flota pa 2030

ORANJESTAD — Minister di Finansa y Asunto Economico, Geoffrey Wever, a presenta un plan na Conseho di Minister pa reemplasa   vehiculonan gubernamental c gradualmente  cu vehiculonan electrico, cu e meta di reduci gasto publico y dependencia di combustibel importa.

E propuesta ta basa riba e proyecto Green Overseas, financia cu €190.000 di Union Europeo. E investigacion a analiza un flota di aproximadamente 547 vehiculo gubernamental y a conclui cu vehiculonan electrico por genera spaarmento te na 15% den costo total pa algun departamento.

Expertonan ta recomenda pa electrifica 50% di flota pa 2030, mientras cu Wever ta considera un meta mas ambicioso, dependiendo di viabilidad tecnico y financiero.

E transicion ta inclui instalacion di infrastructura di carga, coordinacion cu ELMAR y DOW, y maneho responsabel di baterianan.

Ainda ta trata di un propuesta cu Gobierno mester transforma den maneho y implementacion concreto.