Gobierno a renoba area di hunga di Scol Tarcicius

ORANJESTAD — Minister di Educacion Gerlien Croes a inaugura un area di hunga renoba cu un dak nobo na Scol Preparatorio Tarcicius na Mabon. Durante e celebracion, e scol a desvela tambe su logo nobo.

E proyecto a wordo financia completamente pa Gobierno di Aruba, despues cu durante un bishita aña pasa, minister Croes a compromete su mes pa mehora e facilidadnan recreacional di e scol.

Segun e minister, e inversion ta brinda e muchanan un espacio mas seguro y comfortabel pa hunga, socialisa y desaroya nan habilidadnan.

Ademas, e scol a ricibi digiborden nobo, dona pa ASTEC y APA, pa modernisa e proceso educativo.

Croes a destaca cu inversion den infrastructura escolar ta un inversion directo den bienestar y futuro di muchanan di Aruba.