Sofia Buunen ganadora absoluto di competencia “Doño Responsabel”

ORANJESTAD — Sofia Buunen di 5e klas di Princes Amalia Basisschool a bira ganadora absoluto di competencia di arte escolar “Doño Responsabel”, organisa pa Directie Volksgezondheid (DVG) y Ministerio di Salud Publico. Su pintura lo wordo transforma den un mural na e futuro Centro di Rescate y Control di Aruba.

E competencia a conta cu 725 pintura di 17 scol basico. Durante un ceremonia dia 23 di oktober na Bestuurskantoor, 12 alumno a ricibi premio pa nan creatividad y mensahe di cuido responsabel pa animalnan.

E 12 ganadornan ta:

1e klas: Jayda Heidweiller (Mon Plaisir School San Nicolas) y Juan Vicente Rodriguez Quintero (Sint Franciscus College).

2e klas: Jaiden Mathias Ayala Sigcha (Colegio Hilario Angela) y Jeremiah Jacobs (Colegio San Hose).

3e klas: Mayaleah Rodriguez (Colegio Bon Bini) y Nathalia Becerra Pabon (Colegio Frere Bonifacius).

4e klas: Alessa Semeleer y Scarlys Diaz Sanchez (Princes Amalia Basisschool).

5e klas: Anne-Mary Pereira (Maria Goretti College) y Sofia Buunen (Princes Amalia Basisschool).

6e klas: Jobriel Lacle (Maria Goretti College) y Liane Geerman (Colegio San Hose).

DVG a reconoce Colegio San Hose, Colegio Hilario Angela y Mon Plaisir School San Nicolas pa nan participacion sobresaliente.

E mensahe central di competencia ta preveni abandono y maltrato di animalnan y promove responsabilidad durante henter bida di un mascota.