Economisch Bureau Amsterdam ta propone descuento riba luz pa famianan na Aruba cu entrada abao

ORANJESTAD — Economisch Bureau Amsterdam ta propone un descuento dirigi riba factura di electricidad pa famianan cu entrada abao, como parti di un plan pa reduci pobreza na Aruba.

Segun e estudio di oktober 2025, un famia tabata paga un promedio di Afl. 263,67 mensual na electricidad. E propuesta ta contempla un descuento di 40% riba e prome 500 kWh di consumo, loke por reduci factura total di e famianan eligibel cu aproximadamente 26%.

EBA ta estima costo di un programa di apoyo pa electricidad na Afl. 12,5 miyon anual.

E rapport ta propone tambe yudansa pa gas di cushina, despues cu prijs di un cilindro di 100 liber a aumenta di Afl. 60 pa Afl. 80.

E investigadorenan ta enfatisa cu subsidionan mester ta dirigi principalmente na famianan cu mas necesidad, y recomenda supervision independiente di tarifanan di electricidad. Lesa e rapport AKI.