Estudio: Mas di 22% di casnan na Aruba tabata den pobreza relativo na 2023

ORANJESTAD — Un estudio di Economisch Bureau Amsterdam (EBA) ta revela cu na 2023, 22,2% di casnan na Aruba tabatin un entrada inferior na mita di e entrada mediano di casnan, un medida internacional di pobreza relativo.

Ademas, 27% di casnan tabatin un entrada mensual bao Afl. 2.500. Entre 2010 y 2023, e entrada mediano di casnan a subi solamente 13%, mientras prijsnan a aumenta 18%, causando perdida di poder di compra.

E rapport, prepara na oktober 2025, ta señala cu pensionadonan, hobennan, personanan sin trabou y famianan cu entrada abao ta entre e gruponan mas vulnerabel.

E investigadorenan ta enfatisa cu Aruba mester un plan integral pa combati pobreza, combinando aumento di entrada cu reduccion di costo di bida. Por lesa e rapport completo AKI.