Marca InselAir ta na benta pa inversionistanan interesa den un ‘relanzamento’

WILLEMSTAD — E marca y trademark di InselAir, e nomber conoci den aviacion Caribeño cu durante añanan tabatin un conexion fuerte cu Aruba, Corsou, Sur America y e region, ta oficialmente poni na benta.

Segun un anuncio publica di Marble Curacao, e oportunidad ta dirigi na inversionistanan, empresarionan, companianan aereo, empresarionan den sector di aviacion y gruponan di inversion interesa den adquiri e trademark y marca InselAir.

E anuncio ta presenta e adkisicion como un oportunidad pa un doño nobo introduci un vision nobo y eventualmente duna e nomber InselAir un “fresh start” den aviacion Caribeño. Segun e informacion, bou di propiedad y gerencia nobo, e marca por wordo reintroduci y reposiciona pa un capitulo completamente nobo.

InselAir tabata durante añanan un nomber importante den aviacion regional, especialmente entre Curaçao, Sur America y otro destinacionnan den Caribe.

E anuncio ta enfatisa cu solamente preguntanan serio ta wordo considera y ta invita interesadonan serio pa contacta pa informacion adicional.

Importante ta cu loke ta pone na benta segun e anuncio ta e trademark y marca InselAir, y no necesariamente un compania aereo operacional existente.