Encuesta: Kico bo ta pensa di Wendrick Cicilia como lider nobo di AVP? Corda participa!

ORANJESTAD — Noticiacla ta corda su lectornan cu e encuesta tocante e liderazgo nobo di AVP ainda ta habri.

Despues cu Mike Eman a anuncia cu dia 4 di oktober e lo pasa liderazgo di AVP na Wendrick Cicilia durante congreso di partido, Noticiacla a lansa un encuesta pa midi opinion di comunidad tocante e cambio importante aki den un di e partidonan mas grandi di Aruba.

Con bo ta mira Wendrick Cicilia como lider nobo di AVP? Bo tin confianza cu e por guia e partido? Bo ta considera cu e tin suficiente preparacion y independencia politico? Y kico bo ta spera di dje den su rol nobo?

E encuesta ta habri pa tur opinion, tanto di personanan cu ta sostene e escogencia como esnan cu tin duda of ta contra dje.

Si bo no a participa ainda, ainda tin oportunidad pa laga bo voz conta.

Participa den encuesta di Noticiacla y duna bo opinion. Pa participa, click AKI.