PPA ta renoba sede na San Nicolas y busca pa reactiva su presencia politico

SAN NICOLAS — Centro Patriotico Arubano (PPA) a cuminsa oficialmente cu trabounan di renobacion na su sede na San Nicolas, como parti di un esfuerzo pa revitalisa e partido y reforza su presencia den e districto.

Durante fin di siman, miembronan y simpatisantenan a participa den e prome trabounan na e edificio, cu e intencion di transforma e centro den un punto di encuentro pa comunidad y un espacio pa actividad politico y social.

PPA, funda na 1949, ta uno di e partidonan politico mas bieu cu ainda ta activo na Aruba. E partido ta destaca su rol historico den desaroyo economico y social di pais, particularmente na San Nicolas.

Segun e organisacion, renovacion di e sede ta forma parti di un movimiento mas amplio pa reactiva PPA como alternativa politico, cu enfoke riba participacion comunitario, bienestar social y mayor atencion pa desaroyo di San Nicolas.

E partido ta bisa cu e renovacion fisico di e centro ta solamente e prome paso den su reorganisacion y revitalisacion.