AGTC 2026 ta reuni 81 partner internacional na Aruba pa fortalece turismo

ORANJESTAD — Aruba lo ricibi entre 14 y 18 di september e Aruba Global Travel Conference (AGTC) 2026, un evento cu lo reuni 81 participante internacional for di Norte America, Latino America y Europa. Durante e conferencia, Aruba Tourism Authority (A.T.A.), hunto cu AHATA y partnernan local, lo reuni operadornan di biahe, aerolineanan y otro profesionalnan den turismo pa fortalece relacionnan comercial, intercambia informacion y destaca e ultimo desaroyonan den e destino Aruba.

Segun A.T.A., AGTC ta un plataforma importante pa conecta cu mercadonan principal di Aruba y pa duna partnernan internacional un vista actualisa di loke Aruba tin pa ofrece. Participantenan lo bishita hotelnan y conoce di cerca renobacionnan, experiencianan nobo y innovacionnan den e oferta turistico local.

CEO di A.T.A., Ronella Croes, a indica cu AGTC ta mas cu un conferencia, pero un espacio pa fortalece alianza strategico cu partnernan cu ta yuda posiciona Aruba internacionalmente. E evento lo pone enfasis tambe riba topiconan clave manera hospitalidad, calidad di producto y turismo responsable.