Merca ta conmemora 25 aña desde atentadonan di 9/11

NEW YORK — Merca ta conmemora awe 25 aña desde e atentadonan di 11 di september 2001, cu ceremonianan na diferente parti di pais, incluyendo Ground Zero na New York y Pentagon cerca di Washington D.C.

E ceremonia nacional na New York ta tuma lugar na 9/11 Memorial Plaza, caminda Twin Towers tabata situa. Durante e acto ta lesa nombernan di e victimanan y varios lider politico y ex-presidentenan, incluyendo Barack Obama, Joe Biden, Bill Clinton y George W. Bush, ta presente.

Presidente Donald Trump no ta participa na ceremonia na Ground Zero. Vicepresidente J.D. Vance ta representa Gobierno aya. Trump, sinembargo, ta presente na e conmemoracion na Pentagon, caminda e ta duna un discurso.

Riba 11 di september 2001, dos avion di pasahero a dal contra Twin Towers na New York, un tercer a dal contra Pentagon y un cuarto a cai na Pennsylvania despues cu pasaheronan a enfrenta e secuestradornan. Casi 3.000 hende a perde nan bida den e atentadonan, cu a cambia profundamente Merca y politica mundial.