Ainda no tin fecha pa BTW; Gobierno ta reforsa control fiscal

ORANJESTAD — Gobierno di Aruba no a anuncia un fecha pa introduccion di BTW/VAT den su presupuesto mas reciente. En bes di implementa e impuesto nobo, Gobierno ta pone enfasis riba mas control y cumplimiento fiscal, especialmente den sector di alquiler di corto plazo y economia informal.

KICO TA BTW Y E DIFERENCIA CU BBO

BTW, of belasting riba balor agrega, ta un sistema di impuesto unda impuesto ta wordo cobra na diferente paso den e cadena comercial, pero empresa por desconta e BTW cu nan mes a paga riba nan compranan. Na final di e proceso, e consumidor ta carga cu e impuesto. Esaki ta diferente for di BBO, cu ta un impuesto riba facturacion/benta bruto y cu por acumula na diferente paso den e cadena sin un sistema general di descuento. BAZV, na su turno, ta un levy separa relaciona cu financiamiento di seguro general di cuido medico. E plan discuti anteriormente tabata pa BTW reemplaza tanto BBO como BAZV.

Introduccion di BTW como reemplazo pa BBO y BAZV a wordo discuti anteriormente, pero e proceso a keda stanca despues di eleccion di december 2024. E presupuesto nobo no ta menciona un fecha nobo pa implementacion.

Gobierno kier controla  su propiedadnan mas activamente cu ta wordo huur pa corto periodo ta cumpli cu nan obligacionnan di impuesto directo y indirecto.

Ademas, lo implementa un plan nacional pa aborda economia informal. Como parti di esaki, cierto trahadonan cu ta traha sin permiso di estadia lo por haya oportunidad pa regularisa nan situacion y paga impuesto atrasa.