Zelensky su vuelo amenaza pa drone ruso na Moldova

OSLO — E avion di presidente Ucraniano Volodymyr Zelensky a wordo deteni temporalmente diamars na Moldova despues cu un drone Ruso a drenta espacio aereo di e pais, creando un amenaza serio cerca di su salida pa Noruega.

Segun Prome Minister Noruego Jonas Gahr Støre, e avion di Zelensky “casi a wordo impacta durante despegue”. Autoridadnan Moldavo a confirma cu espacio aereo a wordo sera rond 4:30 di atardi despues cu un drone Ruso procedente di Ucrania a drenta e pais. E drone finalmente a explota na Moldova, aproximadamente 160 kilometer for di e aeropuerto unda Zelensky lo a sali.

Un funcionario Ucraniano cu tabata riba e vuelo a bisa Financial Times cu probablemente tabata un drone Shahed Ruso di velocidad halto, y cu su cercania na e aeropuerto ta lanta pregunta si e avion presidencial por tabata e blanco.

Despues cu e menaza a pasa, Zelensky a continua pa Oslo, unda el a participa den entiero di Rey Harald di Noruega.