Jorine Oduber nombra director nobo di Filomena College MAVO

ORANJESTAD – Jorine Oduber a anuncia diamars cu e ta asumi oficialmente e posicion di director di Filomena College MAVO, despues di a sirbi anteriormente como adjunct-director di e scol.

Den su mensahe, Oduber a destaca e desaroyo cu scol a pasa den ultimo añanan, entre otro den area di arte y cultura. El a menciona e trabou haci hunto cu señora Lampe y e team di scol pa fortalece e identidad y desaroyo di Filomena College.

Awor cu Oduber ta asumi e direccion, e ta indica cu e proximo fase lo enfoca riba conserva y fortalece e logronan cu scol a alcanza te awor.

Segun Oduber, e meta ta pa continua traha hunto cu e team di scol pa sigui desaroya Filomena College MAVO y mantene e progreso cu a wordo logra den ultimo añanan.