Sospechoso bolbe deteni den caso di tiroteo na Santa Cruz

ORANJESTAD – Polis a bolbe detene e sospechoso C.S. den e investigacion di e tiroteo cu a tuma lugar banda di veld di Winston na Santa Cruz. Asina ministerio publico a raporta. 

E sospechoso a wordo deteni anteriormente den e mesun caso, pero a wordo laga liber posteriormente. Segun informacion disponible, desaroyonan nobo den e investigacion a resulta den su detencion nuevamente.

E tiroteo a tuma lugar dia 22 di juli 2026 y a costa bida di un hoben di 16 aña. Desde e incidente, Polis y Ministerio Publico ta siguiendo cu e investigacion.

Den e fase inicial, siete persona a wordo deteni. Actualmente, tres sospechoso ta permanece deteni den conexion cu e caso.