Duane Davis declara culpabel di asesinato di 2Pac

LAS VEGAS - Un hurado na Las Vegas a declara Duane “Keffe D” Davis culpabel di asesinato di rapero Tupac Shakur, conoci como 2Pac, cu a wordo tira na 1996.

Segun fiscalia, Davis no necesariamente tabata e persona cu a tira e bala, pero e a organiza y planifica e asesinato. E caso a bolbe haya impulso despues cu Davis a papia publicamente tocante su rol den entrevista y den su memoria, caminda el a describi con e grupo a busca 2Pac despues di un pelea.

Defensa a argumenta cu e relato den su buki tabata exagera pa haci e publicacion mas atractivo, pero hurado a yega na un veredicto despues di solamente tres ora di deliberacion.

Davis, di 63 aña, a anuncia cu lo apela e decision. Dia 13 di october lo e tende su sentencia y e por enfrenta cadena perpetua.