Presidente colombiano ta autorisa extradicion di dos lider guerrillero pa Merca

BOGOTÁ – Presidente di Colombia, Abelardo de la Espriella, a autorisa dia 26 di augustus extradicion pa Merca di Willinton Henao Gutiérrez, alias “Mocho Olmedo”, y Geovany Andrés Rojas, alias “Araña”.

Ambos ta wordo considera lider di grupo disidente di FARC y autoridadnan Mericano ta busca nan pa delito relaciona cu narcotrafico, arma y narcoterrorismo.

E decision presidencial completo ta inclui cinco supuesto lider criminal. Tres ta den custodia na Colombia, mientras cu Gabriel Yepes Mejía, alias “H.H.”, y Fredy Castillo Carrillo, alias “Pinocho”, ainda ta fugitivo.

Nan extradicion ya a wordo aproba na 2025, pero nan entrega a keda suspendi pasobra nan tabata participa den negociacion di paz durante Gobierno anterior di Gustavo Petro.