Encuesta di radio ta sigui habri: NoticiaCla ta invita Aruba pa participa

ORANJESTAD – E encuesta di NoticiaCla tocante radio emisornan di Aruba ta actualmente activo y habri, y NoticiaCla ta invita tur persona y lector cu ainda no a participa, pa duna nan opinion prome cu e encuesta cera diabierna atardi.

Radio ainda ta forma un parti importante di bida diario na Aruba, sea den auto, na trabou, na cas of via internet. Cu e encuesta, NoticiaCla kier haya un imagen mas cla di cua stacionnan di radio, nos pueblo ta scucha, con frecuente nan ta scucha y pakico nan ta prefera un emisora riba otro.

Pero e investigacion no ta trata solamente di popularidad. Participantenan tambe por indica kico nan ta aprecia den radio local y unda, segun nan, tin espacio pa mehora, incluyendo contenido, musica, noticia, programanan y presentadornan.

Un participacion amplio ta importante pa re esultado por refleha mihor opinion di comunidad Arubano. P’esey, si bo ainda no a yena e encuesta, ainda tin tempo pa participa.

E encuesta ta keda habri te diabierna 21 di augustus 2026 atardi.

Pa participa, click AKI.