WestJet ta amplia buelonan pa Aruba den temporada di winter 2026/2027

MIAMI - WestJet a anuncia su programa mas grandi te awor pa destinacionnan di solo den Latinoamerica y Caribe pa temporada di winter 2026/2027, cu Aruba menciona como uno di e mercadonan clave di aerolinea Canadiense.

Segun WestJet, capacidad total pa Latinoamerica y Caribe lo subi cu 12% compara cu aña pasa, cu te 1.252 buelo semanal riba 88 ruta directo. E aerolinea ta afirma cu actualmente e ta e aerolinea Canadiense mas grandi cu servicio pa Aruba, banda di Mexico, Belize y Honduras.

E expansion ta inclui mas frecuencia, avion mas grandi y ruta nobo for di diferente ciudad Canadiense. WestJet ta bisa cu demanda pa destinacionnan di solo ta sigui crece y cu e kier facilita mas conexion entre Canada y destinacionnan vacacional manera Aruba.

Pa Aruba, e anuncio ta confirma e importancia creciente di mercado Canadiense dentro di red di invierno di WestJet y su posicion como uno di e destinacionnan di Caribe cu aerolinea ta considera clave den su strategia di turismo di solo.