Temblor na Colombia a causa mas cu €8 biyon euro na daño

BOGOTA - E daño economico causa pa e temblor fuerte di magnitud 7,4 na Colombia probablemente ta pasa 8 biyon euro, segun presidente Abelardo de la Espriella. E cifra ainda ta preliminar, mientras daño grandi ta reporta di casnan, edificio, caminda y otro infrastructura.

Te awor, 294 persona a perde nan bida y Gobierno ta raporta 194 persona ainda perdi. Na Chocó, unda e epicentro tabata y cu ta uno di e regionnan mas pober di Colombia, ainda ta dificil pa determina e impacto completo, pasobra varios pueblo ta dificil pa yega.

Casi 27.000 cas a wordo destrui, obligando hopi sobreviviente pa drumi pafor riba matras of cama improvisa.

Cantante Colombiano Shakira a bishita Quibdó, capital di Chocó, y algun scol afecta. E artista a expresa preocupacion cu reconstruccion di scolnan por keda atras despues cu e fase di emergencia pasa. El a compromete su sosten pa reconstruccion di por lo menos 10 scol.