Ultimo oportunidad pa participa den encuesta politico di NoticiaCla

ORANJESTAD -  E encuesta politico di NoticiaCla ta den su fase final y esnan cu ainda no a participa tin awor nan ultimo oportunidad pa laga nan opinion conta tocante situacion politico actual na Aruba.

Desde cu e encuesta a cuminsa, ciudadanonan a comparti nan opinion tocante rumbo di pais, funcionamento di Gobierno y oposicion, problemanan cu pueblo ta considera importante y con e panorama politico lo por mira si eleccion mester tuma luga awor.

NoticiaCla ta enfatisa cu e encuesta ta anonimo y no tin como meta influencia participante ni favorece ningun partido. E intencion ta obtene un imagen mas amplio di con comunidad ta evalua politica Arubiano actualmente.

Cada participacion ta importante, incluyendo di hende cu ta satisfecho, insatisfecho, indeciso of simplemente kier expresa nan punto di bista.

Ainda no a participa? Esaki ta bo ultimo oportunidad. E encuesta ta tuma solamente algun minuut. Despues cu participacion sera, NoticiaCla lo presenta y analisa e resultadonan.

Pa participa, click AKI